ღვინის ტური და დეგუსტაცია
იორაში სტუმრებს შესაძლებლობა აქვთ გაეცნონ ქვევრის ბიოღვინის წარმოების ტრადიციას და დააგემოვნონ ღვინო, რომელიც მზადდება ქართული ტრადიციული მეთოდით – ქვევრში. ქვევრის ღვინის დაყენების ტექნოლოგია აღიარებულია იუნესკოს მიერ, როგორც არამატერიალური კულტურული მემკვიდრეობის ნაწილი.
ღვინის ტური მოიცავს მარანის დათვალიერებას, ქვევრის ღვინის წარმოების პროცესის გაცნობას, ენოთეკის მონახულებასა და პროფესიონალურ დეგუსტაციას, სადაც სტუმრებს შესაძლებლობა აქვთ დააგემოვნონ იორას ბიოღვინოები და გაეცნონ თითოეული სახეობის თავისებურებებს.
რთველი და ქართული გამოცდილებები
იორაში სტუმრობა ტრადიციების ახლოდან გაცნობის შესაძლებლობას მოიცავს. რთველის პერიოდში სტუმრებს შეუძლიათ უშუალოდ ჩაერთონ ყურძნის კრეფისა და დაწურვის პროცესში, გაეცნონ ჭაჭის გამოხდის ტრადიციულ მეთოდს, მონაწილეობა მიიღონ ჩურჩხელის ამოვლების პროცესში და დაესწრონ ხინკლის მომზადების მასტერკლასს.
სეზონური აქტივობები იორაში სტუმრობას უფრო მრავალფეროვანს ხდის და სტუმრებს კახეთის კულტურისა და ტრადიციების ახლოდან გაცნობის შესაძლებლობას აძლევს.